Përmirësimi rrënjësor i infrastrukturës dhe punë me cilësi është prioritet i Bashkisë Kamëz.
Vijon puna pa ndërprerje si në Kamëz dhe Paskuqan ku investimet tashmë janë bërë të prekshme për qytetarët dhe me parametra dhe standarte.
Më konkretisht ka përfunduar asfaltimi i rrugëve “Argjinatura”, “Monte Carlo”, në Kamëz, si dhe i rrugëve “Jani Vreto” dhe “Johan Shtraus”, në Njësinë Administrative Bathore.
Në Bashkinë Kamëz dhe në Njësinë Administrative Paskuqan po punohet me intensitet në segmentin e rrugës “NdocDeda”, Kodër Kuqe, Paskuqan.
Për gjatë gjithë rrugës ka përfunduar shtrimi i bordurave dhe kanalizimet e ujërave te zeza. Ndërkaq, po punohet për betonimin e kunetave dhe së shpejti përfundon hedhja e asfaltit në këtë aks rrugor. Po, punohet gjithashtu pa ndërprerje në lotin e dytë të rrugës “Ibrahim Rugova”, në Paskuan 1.
Kjo rrugë kryen lidhjen e dy rrugëve kryesore: rrugës “Demokracia” dhe rrugës “Azem Hajdari”.
Puna nuk ka të ndaluar! Bashkia Kamëz do të ketë prioritet maksimal për mirësimin e infrastrukturës edhe në zona të tjera të lëna në harresë prej shumë vitesh, të cilat tashmë do të kenë në shërbim të tyre, një infrastrukturë me parametra e standarte .
