Kopshti ‘Lidhja e Prizrenit’ në Kamëz fiton çmimin ndërkombëtar të arkitekturës

4 Prill, 2022
08:45

Kopshti i ri i “Lidhja e Prizrenit” në Kamzë, ka fituar çmimin ndërkombëtar të arkitekturës “BigSEE Architechture Award 2021”.

Lajmi u bë i ditur nga Kryeministri Edi Rama, i cili ndau pamje nga ky kopsht.

“Duke u cilësuar si një nga ndërtesat bashkëkohore mësimore më të bukura të ndërtuara në Evropë vitin e shkuar, në përshtatje me kërkesat dhe dëshirat e fëmijëve, kopshti i ri i rindërtimit “Lidhja e Prizrenit” në Kamzë, ka fituar çmimin ndërkombëtar të arkitekturës: “BigSEE ARCHITECTURE AWARD 2021″”, tha Rama.

Kopshti “Lidhja e Prizrenit” në Kamzë u rindërtua nga fillimi, pas dëmtimit nga tërmeti i 26 nëntorit 2019.

Në këtë kopsht mësojnë 224 fëmijë, të cilët në vend të ngrehinës së vjetër e të amortizuar kanë një mjedis si në çdo vend të Evropës.

“Kopshti “Lidhja e Prizrenit” synon të krijojë hapësira bashkëkohore edukative që përshtaten me nevojat e ndryshme të fëmijëve.Projekti buron nga koncepti sipas të cilit aktivitetet në natyrë janë vendimtare për zhvillimin fizik dhe mendor të fëmijëve. Pra, ishte e nevojshme të kishim një “hapësirë jashtë” por, brenda territorit të kopshtit gjatë ditëve me shi. Kjo hapësirë shërben si një vend për disa tubime dhe aktivitete. Për më tepër, ndarësit e klasave janë prej xhami për të lehtësuar hapjen dhe komunikimin, vizual dhe fizik, me oborrin e brendshëm. Një tipar tjetër dallues është fasada. Për shkak se kjo qendër është afër banesave, fasada e dyfishtë mundëson privatësinë e kërkuar dhe ofron një pikë referimi vizuale në zonë. Fasada me një si derë nga oborri ndikon në mënyrën se si dritat natyrore hyjnë në ndërtesë dhe kontribuojnë në ajrosjen natyrale. Ngjyrat e fasadës përfaqësojnë karakterin e gjallë të ndërtesës, duke tërhequr interesin dhe angazhimin e fëmijëve”, thuhet në faqen e “BigSEE ARCHITECTURE AWARD 2021”.

Njoftime të ngjashme

Kryetari i Bashkisë Z.Rakip Suli pret në zyrë nxënësit e klasës së parë të shkollës “Halit Coka”, të cilët festuan Festën e Abetares

Sot pata kënaqësinë të mirëprisja në zyrën time nxënësit e klasës së parë të shkollës “Halit Coka”, të cilët festuan...

Kryebashkiaku Z.Rakip Suli vlerëson vajzat e shkollës 9-vjeçare “Angela Merkel”, të shpallura kampione kombëtare në basketboll

Krenar për vajzat e shkollës 9-vjeçare “Angela Merkel”, të shpallura kampione kombëtare në basketboll në kuadër të “Ekipeve Sportive në...

Një ditë plot lojëra, ngjyra dhe buzëqeshje për vogëlushët e kopshteve “Çamarokët” dhe “Lepurushët”

Mirëmëngjesi Një ditë ndryshe për fëmijët e kopshteve “Çamarokët” dhe “Lepurushët”, mes lojërave, pikturave dhe aktiviteteve plot ngjyra e buzëqeshje...