Ambasadori Japonez vizitoi për herë të parë Bashkinë Kamëz , ku zhvilloi një takim me kryebashkiakun Suli.

Në takimin e zhvilluar me ambasadorin e Japonisë në Shqipëri Sh.T,  Z. Makoto Ito, u firmos marrëveshja e Grantit për “Projektin për Përmirësimin e Masave Mbrojtëse ndaj rreziqeve të zjarrit dhe përmbytjeve në Bashkinë e Kamzës”.

Me firmosjen e Grantit, Ambasada Japoneze mundësoi 73 mijë euro, për blerjen e një mjeti zjarrëfikës për Bashkinë e Kamzës.

Suli theksoi se për 12 vite qytetarëve të Kamzës u ka munguar shërbimi zjarrëfikës.

Ai gjithashtu shprehu mirënjohjen për këtë investim, duke pohuar se ky është një shërbim i ri, që do t’ju vijë në ndihmë të gjithë komunitetit të Kamzës.