Puna e Bashkisë Kamëz vijon me ritme të shpejta që çdo rrugicë dhe rrugë të jetë e ndriçuar. Realiteti ka qenë i trishtë sepse për vite me radhë rreth 90% e rrrugëve nuk kanë pasur ndriçim.

Kjo gjendje ka qenë më e përkeqësuar veçanërisht në lagjet periferike, duke shkaktuar probleme të shumta tek qytetarët, të cilët jo pak herë para gushtit të vitit 2019 janë ankuar në institucionin Bashki duke mos gjetur zgjidhje. Porosia e kryetarit të Bashkisë Kamëz Rakip Suli ka qenë që të ndriçohet çdo rrugë dhe rrugicë në Kamëz dhe Paskuqan.

Falë punës së pandërprerë ditët e fundit në disa prej rrugëve janë ndezuar dritat. Konfirmimi vjen nga vet vet kryebashkiaku Suli i cili në faqen zyrtare të rrjetit social FB duke i shoqëruar me fotot përkatëse shkruan: – “Ndezëm dritat për herë të parë edhe në rrugën “Onufri”, në Kamëz, në rrugën “Brukseli” po në Kamëz si dhe Valias, Lagja Nr.1 përgjatë aksit të rrugës “Jehona”!

Puna jonë dita-ditës për ta transformuar Kamzën në një qytet model nuk ka të ndalur!. S’ka kohë për pushim! Për bashkinë që duam!”