Prioritet i punës së përditshme të kryebashkiakut Rakip Suli ka qenë jo vetëm kryerja e sa më shumë investimeve me cilësi, por edhe përmirësimi dhe shtimi i shërbimeve në territorin e Bashkisë Kamëz në bashkëpunim edhe me institucionet e tjera qeveritare.

Kujtojmë që para disa muajsh është mundësuar të kthehet në Kamëz, Zyra e Punës dhe së shpejti do të hapet dhe ADISA. Lajmin e mirë e konfirmon kryetari i Bashkisë Kamëz Rakip Suli teksa shkruan: – “Së bashku me ministren dhe deputeten e zonës znj. Elisa Spiropali, në një vizitë për të ndjekur punimet në ambientet e reja të ADISA!

Tashmë 150 mijë banorëve të Kamzës, do t’iu ofrohet shërbim i shpejtë e cilësor në 26 sportele të dedikuara tyre! Ne nuk ndalemi. Shqipëria e ardhmja jonë”.

Punimet për zyrat e reja po ecin me ritëm të lartë për hapjen e Qendrës më të re ADISA në Kamëz. Kjo qendër do t’iu ofrojë qytetarëve në një hapësirë dhe me një ndalesë shërbime administrative jo vetëm qendrore por edhe vendore me standardet më të larta. ADISA Kamëz do të funksionojë sipas modelit të kujdesit ndaj qytetarit të ndërtuar tashmë në 21 qendra në të gjithë Shqipërinë.