Vijon puna për vendosjen e sinjalistikës rrugore dhe vijëzimit të rrugëve në të gjithë territorin e Kamzës: Shumë shpejt të gjitha akset drejt përfundimit

Bashkia e Kamzës ka nisur vijëzimin përgjatë gjithë rrugëve të qytetit. Kjo ndërhyrje është pjesë e investimeve që ka ndërmarrë Bashkia, në kuadër të sigurisë së komunitetit. Kryebashkiaku Suli u shpreh se investimet do të vijojnë në çdo rrugicë të qytetit dhe puna e radhës do të jetë përmirësimi i sinjalistikës.

Grupi i punës ka përfunduar vijëzimin e dy rrugëve, “Drini” , në Njësinë Administrative Bathore dhe “Azem Hajdari” në Njësinë Administrative Paskuqan. Kompletimi i akseve rrugore me sinjalistikën përkatëse rrit përgjegjësine e qytetarëve dhe drejtuesve të mjeteve për respektimin e rregullave të qarkullimit.

Sipas kryetarit të Bashkisë Kamëz , këto ndërhyrje kanë qënë të domodoshme dhe duheshin bërë që para shumë vitesh, kjo sepse mungesa e tyre është bërë burim i shumë aksidenteve rrugore.
Gjithashtu është punuar intensivisht edhe për pajisjen me sinjalistikë në rrugët “Venecia” dhe “Skëndërbeu”. Së shpejti, do të përfundojë vijëzimi dhe vendosja e sinjalistikës në të gjitha segmentet rrugore, me qëllim rritjen e sigurisë dhe reduktimin e aksidenteve.