Këshilli Bashkiak Kamëz miratoi sot Planin e Përgjithshëm Vendor të Bashkisë Kamëz, “KAMZA 2036”, një akt të munguar prej vitesh dhe të shumëkërkuar nga qytetarët e Kamzës dhe Paskuqanit

Këshilli Bashkiak Kamëz miratoi sot Planin e Përgjithshëm Vendor të Bashkisë Kamëz, “KAMZA 203”, një akt të munguar prej vitesh dhe të shumë kërkuar nga qytetarët e Kamzës dhe Paskuqanit.

Me miratimin e Planit të Ri Urbanistik merr një tjetër hov zhvillimi dhe prespektive gjithë territori i Bashkisë Kamëz, rritet vlera e pronës për qytetarët dhe krijohet Kamza e re e urbanizuar me kurorën e gjelbër të saj që i bashkëngjitet metropolit të madh Tiranës.

Lajmin e jep kryebashkiaku Rakip Suli, i cili në rrjetin social Facebook shkruan:

Historike

Këshilli Bashkiak Kamëz miratoi sot Planin e Përgjithshëm Vendor të Bashkisë Kamëz, “KAMZA 2036”, një akt të munguar prej vitesh dhe të shumëkërkuar nga qytetarët e Kamzës dhe Paskuqanit.

Është guri i themelit mbi të cilin do ndërtojmë dhe zhvillojmë Kamzën, që do të jetë një qendër urbane dhe logjistike, pjesë e metropolit kryeqytetas dhe që plotëson nevojat për banim, punësim, shërbime të këtij metropoli.

Falë këtij plani, Bashkia Kamëz do të këtë:

1. Impakt ekonomik me zhvillim dhe rritje ekonomike

2. Rritjen e vlerës së pronës duke shtuar vlerë në vendbanime, si një kontribut pozitiv për komunitetin.

Faleminderit për pjesëmarrjen Kryetarin e Këshillit të Qarkut Tiranë, Z. Aldrin Dalipi, Prefektin e Tiranës, Z. Afrim Qendro, Kordinatorin e Projektit për Bashki të Forta, Z. Rikardo Luka dhe anëtarët e Këshillit Bashkiak Kamëz!

PPV–ja bazohet dhe zbërthen më tej Strategjinë Territoriale.

• Përkthen vizionin dhe strategjitë në tiparet thelbësore të modelit hapësinor të zhvillimit, për një periudhë afatmesme zhvillimi, me një projeksion të pritshëm deri në vitin 2036;

• Zbërthen dhe detajon më tej rekomandimet e planeve Kombëtare, rajonale etj;

• Evidenton rishpërndarjen e sistemeve territoriale sipas rekomandimeve strategjike;etj.

• Parashikon masat mbrojtëse dhe u jep përgjigje kufizimeve kryesore dhe problematikave të identifikuara gjatë analizës;

• Përcakton zonat dhe ndërhyrjet bazë për përmirësimin e mjedisit dhe peizazhit natyror dhe atij urban;

• Përcakton vendndodhjen e rrjeteve kryesore dhe ambienteve të shërbimeve publike, si për ato ekzistuese, ashtu edhe për ato në perspektivë zhvillimi.