Translate
Investimet në arsim janë prioritet absolut i Bashkisë Kamëz. Përmirësimi rrënjësor i infrastrukturës arsimore ishte një ndër objektivat që në ditët e para të marrjes së detyrës nga kryebashkiaku Rakip Suli. Duke e konsideruar veten si shërbëtor të bashkëqytetarëve të tij z.Suli që në startin e detyrës si qytetari i parë i Kamzës, nisi nga puna me një qëllim të qartë: përmirësimin e infrastrukturës në shkolla, kopshte dhe çerdhe.
Porositë kanë qenë dhe mbetën të qarta, investime me standarte bashkëkohore, përdorim me efikasitet të taksave të qytetarëve. Për këtë qëllim kryetari i Bashkisë Kamëz Rakip Suli del vetë në terren për të inspektuar ecurinë e punimeve në çerdhet, kopshtet dhe shkollat që po ndërtohet me një cilësi mbresëlënëse.
Janë disa zona në territorin e Bashkisë ku janë rikonstruktuar dhe ndërtuar shkolla dëri më tani dhe në inspektimet e fundit kryebashkiaku Rakip Suli shkruan: – “Valias – Edhe kopshti “Niko Hoxha” ka rilindur më i bukur, më i madh dhe më i fortë se kurrë, i cili për herë të parë do të ofrojë fjetje dhe ngrënie për qindra vogëlushë të zonës si dhe në Bathore – Kopshti “Halit Coka”, i rilindur më i bukur dhe më i fortë se kurrë, hapi dyert për qindra vogëlushë të zonës”.
Bashkia Kamëz ndërkohë po punon në në zona te tjera teksa z.Suli njofton se: -“Vazhdojnë me intensitet punimet për ndërtimin e kopshtit “Dom Nikollë Kaçorri” në Laknas! Mjedise edukimi me standartet më të mira europiane në mbështetje të fëmijëve, prindërve dhe mësuesve”.
E ndërsa janë rikonstruktuar dhe ndërtuar disa shkolla kryetari i Bashkisë Kamëz njofton se edhe: – “Paskuqan, shkolla 9 vjeçare “Tahir Sinani” po rikonstruktohet dhe ridimensionohet në të gjithë hapësirën e saj. Kushtet e merituara për 500 nxënësit e kësaj shkolle duke nisur nga laboratorët mësimor e deri tek terrenet e reja sportive, janë detyrimi dhe ambicia jonë për të bërë më të mirën në krijimin e një infrastrukture arsimore model në të gjithë vendin”.
Realizimi i këtyre investimeve nuk ka qenë aspak spontan, por ka qenë vizioni dhe premtimi i kryebashkiakut Rakip Suli që i ka mundësuar këto investime të munguara për qytetin. Zoti Suli do t’i planifikonte këto investime në buxhetet e viteve 2020 dhe 2021, vite që do të vinin ndryshe për shkollat, kopshtet dhe çerdhet, sepse kryebashkiaku Suli ishte i qartë.
Këto projektbuxhete ishin tërësisht të përqëndruara tek qytetari, tek shkollat dhe çerdhet e Kamzës. “Prioriteti kryesor do të përqëndrohet tek ndërtimi i çerdheve, kopshteve e shkollave, të cilat deri më sot ishin lënë totalisht në harresë!” – ishte ky premtimi i kryetarit të Bashkisë Kamëz Rakip Suli, premtim ky që mund të konsiderohet i mbajtur.