Translate
Përmirësimi rrënjësor i infrastrukturës rrugore, përmes investimesh cilësore, bashkëkohore duke vënë dorë aty ku është mjaft e nevojshme dhe për 30 vite nuk është kujtuar askush, ky është qëllimi i Bashkisë Kamëz.
E natyrisht, çdo investim vjen dhe në konsultim me qytetarët si pasojë e kërkesave të tyre sepse ata janë kërkuesit dhe gjykuesit më të mirë të punës së çdo lloj pushteti.
Ndaj përveç investimeve në çdo rrugë e lagje në përmirësimin rrënjësor të infrastukturës jo vetëm rrugore, Bashkia Kamëz i ka dhënë prioritet disa investimeve në sektorë që nuk ishte vënë dorë që nga viti 1990 ose dhe më herët.
Më konkretisht është ura që lidh Paskuqanin me Tiranë, e ashtuquajtur ura e vogë e cila nuk kanë qenë e denjë as për kalimin e qytetarëve, jo më mjeteve. Kjo për faktin sepse ka qenë shumë e ngushtë.
Bashkia Kamëz dhe kryebashkaiku Rakip Suli janë të predispozuara që këto dy pika lidhës të rëndësishme me Tiranë të ndërtohen me qëllimin që qytetarët të mos përballen me trafikun e madh që ndeshin në hyrje në Tiranë, apo pjesës së automjeteve që vijnë drejt Paskuqanit.
Me saktë, ka nisur puna dhe shumë shpejt në kohë rekord do të jetë gati ky investim shumë i rëndësishëm jo vetëm për qytetarët e Paskuqanit, por dhe të Tiranës apo qyteteve të tjera që shfrytëzojnë këtë aks rruge. Kryetari i Bashkisë Kamëz Rakip Suli thotë se – “Infrastruktura për ne nuk është vetëm lehtësim por dhe impuls për zhvillim të qëndrueshëm. Kanë filluar punimet e ndërtimit të urës që lidh Paskuqanin me Tiranën, duke kontribuar në jetesën e 70 mijë banorëve.
Një tjetër vepër publike që rrit estetikisht dhe funksionalisht vlerat e qytetit tonë, pas një periudhe harrese 30 vjeçare”.
