Hapet Zyra e Punës në Kamëz, kryebashkiaku Suli: Qytetarët dhe punësimi i tyre mbetet fokusi ynë kryesor!

Agjencia Kombëtare e Punësimit dhe Aftësive hap Zyrën e Punës në Kamëz! Tashmë qytetarët nuk do të humbin kohë dhe para si më parë për të shkuar në Tiranë dhe qëndruar në radhë, por do ta kenë shumë të lehtë për të marrë shërbimet e duhura dhe cilësore nga Zyra e Punës në qytetin e tyre.

“Me hapjen e kësaj zyre qytetarët mund të marrin informacione dhe këshillim, udhëzime për punësim, pjesëmarrje në trajnime, shërbime të tjera ndërmjetësimi etj! Qytetarët dhe punësimi i tyre mbetet fokusi ynë kryesor!.”-thotë kryetari i Bashkisë Kamëz Rakip Suli.

Kamza është një nga bashkitë më të mëdha në vend për nga numri i popullsisë ndaj dhe hapja e Zyrës së Punës është jo vetëm një lajm i mirë, por një ndihmë konkrete për qytetarët të cilët do t’i kenë të nevojshme shërbimet e saj.