Arsimi sot në Bashkinë Kamëz është në një tjetër nivel, me mbi 30 objekte arsimore të rikonstruktuara dhe ndërtuara nga e para, me kushte dhe standarte të Bashkimit Europian.

Sot fëmijët mësojnë në çerdhe dhe kopshte moderne, nxënësit në shkolla si gjithë bashkëmoshatarët e tyre europianë.

Ditën e sotme kryebashkiaku Rakip Suli ishte në Valias, ku pa nga afër ecurinë e punimeve për ndërtimin e çerdhes së re publike.

Një tjetër institucion model me gjithë standartet bashkëkohore, pas një sërë investimesh dhe veprash madhore në zonën e Valiasit.

Cerdhja hap dyert shumë shpejt dhe këtë premtim e jep vetë kryebashkiaku Suli në rrjetin social Facebook, ku shkruan:

Mirëmëngjes !

E nisëm ditën në çerdhen e re publike në Valias, e cila po ngrihet më e fortë dhe më e bukur, me standarte e kushte bashkëkohore.

Së shpejti, hap dyert për qindra vogëlushë të zonës!

#PërArsiminQëDuam

#PërKamzënQëDuam