Në Parkun e Liqenit të Paskuqanit sot ka arritur në 11.500, numri i pemëve të mbjella.

Një nismë e cila mori jetë falë kontributit të bizneseve, qytetarëve dhe vullnetarëve të cilët krijuan parkun për qytetarët e Paskuqanit.

Sot ishte Tirana Bank që dha kontributin e saj në rritjen e hapësirave të gjelbra në zonën e Liqenit të Paskuqanit, nën moton “Gjelbëro, Mbill, Riciklo”.

Të pranishëm ishin kryebashkiaku z.Rakip Suli dhe drejtori i Tirana Bank z.Dritan Mustafa.

Kryetari i Bashkisë Kamëz Z.Rakip Suli në fjalën e tij falenderoi Tirana Bank që ju bashkua nismës së bashkisë Kamëz, që sot numëron 11.500 pemë të mbjella në këtë park.

“E gjitha kjo sipërfaqe kontribuon në përmirësimin e cilësisë së jetës, komunitetit dhe qytetit”- e mbylli fjalën e tij z.Suli.