Premtimi kryesor i kryetarit të Bashkisë Kamëz z.Rakip Suli ishte investimi në arsim dhe transformimi rrënjësor i infrastrukturës arsimore në Kamëz.

Dikur nuk kishte një çerdhe publike qyteti dhe asnjë shkollë me cilësi dhe standarte, ndërsa sot e themi me krenari, që infrastruktura arsimore e qytetit tonë është model.

Premtime të mbajtura duke nisur nga Babrroi dhe Paskuqani, me çerdhe, kopshte dhe shkolla të ndërtuara nga e para dhe të rikonstruktuara cilësisht dhe me standarte.

Bathore, Laknas, Valias, Kamëz dhe kudo është vënë dorë duke ndërtuar objekte arsimore si në gjithë vendet e Bashkimit Europian, ku fëmijët ndihen komodë dhe të lumtur të mësojnë dhe të arrijnë rezultate maksimale.

Janë 30 objekte arsimore të përfunduara brenda këtyre viteve dhe sot në ditën e fillimit të vitit të ri shkollor, kryebashkiaku Rakip Suli zgjodhi të bëjë urimin e tij, nga dy shkollat e reja në Paskuqan, shkolla “Jashar Hoxha” dhe gjimnazi “Isa Boletini”.

Më poshtë urimi i plotëi i kryetarit Rakip Suli në rrjetin social Facebook:

E nisëm vitin e ri shkollor në shkollën “Jashar Hoxha” dhe gjimnazit “Isa Boletini”, në Paskuqan, të rilindura më të bukura, më të forta e më të mëdha, sesa kurrë më parë.

Mbi objekte arsimore të tjera të ndërtuara, me standartet dhe kushtet më të mira europiane, hapën dyert për qindra vogëlushë e nxënës të Kamzës.

Dhe me besimin se do shkëlqeni edhe këtë vit, ju uroj shumë suksese të gjithë nxënësve në rrugën e ndritur të dijes dhe mësuesve në misionin e tyre fisnik .

Ju jeni e ardhmja Kamzës!